پاک آرمی اور بحریہ کا کراچی کے سیلاب متاثرہ علاقوں میں ریلیف آپریشن جاری
اسلام آباد ( 92 نیوز) پاک آرمی اوربحریہ کا کراچی کے سیلاب سے متاثرہ علاقوں میں ریلیف آپریشن جاری ہے ، کے پی ٹی، سوک سنٹر، محسن بھوپالی اورگولیمار انڈرپاسز ٹریفک کے لئے کھول دئیے گئے ۔
آئی ایس پی آر کے مطابق پاک آرمی اوربحریہ کا کراچی کے سیلاب سے متاثرہ علاقوں میں ریلیف آپریشن جاری ہے ۔ پاک آرمی انجینئرز نے آج کے پی ٹی، سوک سنٹر، محسن بھوپالی اورگولیمار انڈرپاسز ٹریفک کے لئے کھول دئیے جبکہ گزری انڈرپاس پر کام جاری ہے ۔
پاک فوج کے شعبہ تعلقات عامہ کے مطابق شہری سہولیات کی فراہمی یقینی بنانے کیلئے مختلف علاقوں میں ڈی واٹرنگ کا عمل جاری ہے ، بہت سے مقامات سے پھنسی ہوئی گاڑیاں نکالنے کیلئے آرمی موبائل ریکوری یونٹ تعینات ہے ،آرمی موبائل ریکوری یونٹ ٹریفک کا بہاؤ یقینی بنانے کے لئے مصروف ہے۔