پانچ جولائی پاکستان کی تاریخ کا سیاہ ترین دن ہے: آصف زرداری
![پانچ جولائی پاکستان کی تاریخ کا سیاہ ترین دن ہے: آصف زرداری](https://urdu.92newshd.tv/wp-content/uploads/2016/06/zardari1.jpg)
اسلام آباد(92نیوز)سابق صدر آصف علی زرداری نے کہاہے کہ پانچ جولائی پاکستان کی تاریخ کاسیاہ ترین دن ہے،اس روزایک آمرنے منتخب وزیراعظم کاتختہ الٹا اورآئین کا حلیہ بگاڑا۔
پانچ جولائی کو ضیاالحق کے مارشل لاکےنفاذکےحوالے سے اپنے پیغام میں آصف زرداری کاکہناتھاکہ اسی دن سےملک کےجمہوری اورریاستی اداروں کی تباہی کاعمل شروع ہوا۔ سابق صدر نے کہاکہ پانچ جولائی کوآمرنے جہاد کو نجی بنادیا،یہ ایجنڈا نہ صرف ملک پرمسلط کیابلکہ سرحد پاربھی بھیجا،اس آمرکی پھیلائی مذہبی انتہا پسندی آج بھی اس کاپیچھاکررہی ہے۔ آصف زرداری کاکہناتھاکہ اس سے قبل کسی بھی شخص نے اتنی تباہی نہیں پھیلائی جتنی ضیانے پھیلائی،آمریت نے قوم اورریاستی اداروں کوہائی جیک کرلیا۔ آصف زرداری نے کہاکہ ہم عہدکرتےہیں کہ جمہوریت کی حفاظت کرینگے ۔