پابندی کے باوجود کلب میچز کھیلنے پر کرکٹر احمد شہزاد پر مزید چھ ہفتے کی پابندی عائد
لاہور (92 نیوز) کرکٹر احمد شہزاد نئی مشکل میں پھنس گئے۔ قواعدو ضوابط کی خلاف ورزی مہنگی پڑ گئی۔ ڈوپ ٹیسٹ میں پابندی کے باوجود کلب میچز کھیلنے پر پی سی بی نے مزید چھ ہفتے کی پابندی عائد کر دی۔
پی سی بی کا کہنا ہے کہ احمد شہزاد نے کلب مییچز میں حصہ لے کر پابندی کی خلاف ورزی کی۔ احمد شہزاد نے اپنے بیان میں کہا کہ کلب میں بچوں کی حوصلہ افزائی کے لیے بلایا گیا تھا۔
پی سی بی نے قومی کرکٹر کے جواب کو غیر تسلی بخش قرار دیتے ہوئے سزا میں چھ ہفتوں کا اضافہ کر دیا۔
اس سے پہلے احمد شہزاد کا ڈوپ ٹیسٹ مثبت ہونے پران کے خلاف چار ماہ تک کرکٹ نہ کھیلنے کی پابندی عائد کی گئی تھی۔