ٹی ٹونٹی میچز کیلئے پاکستانی سکواڈ کا اعلان، شاہد آفریدی کپتان، شعیب ملک، عمراکمل اور محمد سمیع کی واپسی، سعید اجمل ڈراپ

لاہور (92نیوز) زمبابوے کیخلاف دوٹی ٹونٹی میچزکےلئے پاکستانی سکواڈکا اعلان کردیا گیا، قومی کرکٹ ٹیم کی قیادت شاہد آفریدی کریں گے۔ پاکستان اور زمبابوے کے درمیان پہلا ٹی ٹونٹی میچ 22مئی کو قذافی سٹیڈیم میں کھیلا جائےگا۔ ٹیم میں شعیب ملک، عمراکمل اور محمدسمیع کی واپسی ہوئی ہے۔ باقی کھلاڑیوں میں محمدحفیظ، احمدشہزاد، انورعلی، محمدرضوان، نعمان انور، حماد اعظم، بلاول بھٹی اوروہاب ریاض شامل ہیں، سرفرازاحمد وکٹ کیپنگ کے فرائض سرانجام دیں گے۔ محمدعرفان، سعیداجمل اور جنیدخان کوٹیم سے ڈرا پ کردیا گیا ہے۔ ٹیم میں نعمان انور، محمد رضوان، حماد اعظم، عماد وسیم اور مختار احمد جیسے نوجوان کھلاڑیوں کو بھی جگہ دی گئی ہے۔ سٹار آف سپنر سعید اجمل کو ڈراپ کر دیا گیا ہے۔