ٹی ٹوئنٹی ورلڈ کپ، جنوبی افریقہ نے ویسٹ انڈیز کو 8 وکٹوں سے شکست دے دی

دبئی (92 نیوز) ٹی ٹوئنٹی ورلڈ کپ کے میچ میں جنوبی افریقہ نے ویسٹ انڈیز کو 8 وکٹوں سے شکست دے دی۔ دفاعی چیمپئن ویسٹ انڈیز کی سیمی فائنل تک رسائی مشکل ہو گئی۔

جنوبی افریقہ نے 144 رنز کا ہدف دو وکٹوں کے نقصان پر حاصل کر لیا۔ جنوبی افریقہ کے ٹیمبا بووما دو ،ریزا ہینڈ رکس 39 رنز بنا کر آؤٹ ہوئے۔ ڈوسن 43 اور ایڈن مارکرم 51 رنز بنا کر ناٹ آؤٹ رہے۔ ویسٹ انڈیز کی طرف سے عقیل حسین نے ایک وکٹ حاصل کی۔