ٹورنٹو سے آنیوالی فلائٹ کے دو پائلٹس میں کورونا کی تصدیق
لاہور ( 92 نیوز) ٹورنٹو سے لاہور آنے والے پی آئی اے کے 2 پائلٹس میں کورونا کی تصدیق ہو گئی ، محکمہ صحت پنجاب کے مطابق پائلٹس سمیت 5 افراد کئی روز سے ٹورنٹو میں پھنسے ہوئے تھے۔
دونوں پائلٹس کو لاہور میں نجی اسپتال کے آئسولیشن وارڈ منتقل کر دیا گیا۔
ادھر اسلام آبادایئرپورٹ پر برطانیہ سے آنے والی پرواز میں تین افراد مشتبہ نکلے ، مسافرپرواز پی کے 792 کے ذریعےبرمنگھم سے اسلام آباد پہنچے۔
برطانیہ سے آنیوالی پرواز کے مسافروں کی اسکریننگ کے دوران 3مسافروں کے جسم کا درجہ حرارت زیادہ نکلا جنہیں اسپتال منتقل کر دیا گیا جبکہ 129مسافروں کو قرنطینہ میں منتقل کردیا گیا۔