ٹرینوں کا شیڈول آج بھی متاثر ، مسافر خوار
لاہور ( 92 نیوز) ملک بھر میں ٹرینوں کا شیڈول آج بھی بری طرح متاثر ہے جس کے باعث مسافروں کی مشکلات میں مزید اضافہ ہو گیا ہے ، دوسری جانب محکمہ ریلوے اور انتظامیہ کئی ماہ سے شیڈول بحال کرانے میں بری طرح ناکام ہے ۔
کراچی اور کوئٹہ سے لاہور آنے والی متعدد ٹرینیں آج بھی گھنٹوں تاخیر کا شکار ہیں ، کراچی سے لاہور آنے والی گرین لائن ایکسپریس ایک گھنٹہ 40 منٹ،تیز گام ایکسپریس ایک گھنٹہ 10 منٹ لیٹ ، اکبر ایکسپریس ایک گھنٹہ تاخیر کا شکار ہے ۔
علامہ اقبال ایکسپریس ایک گھنٹہ 30 منٹ ، وی وی آئی پی ٹرین جناح ایکسپریس ایک گھنٹہ 55 منٹ،پاک بزنس 2 گھنٹے 10 منٹ لیٹ ہے ۔
کراچی ایکسپریس ایک گھنٹہ 45 منٹ،ملت ایکسپریس 5 گھنٹے 20 منٹ ، شالیمار ایکسپریس 3 گھنٹے 30 منٹ،فرید ایکسپریس ایک گھنٹہ،جعفر ایکسپریس 1 گھنٹہ تاخیر کا شکار ہے ۔
لاہور آنیوالی قراقرم ایکسپریس 3 گھنٹے 10 منٹ،شاہ حسین ایکسپریس 2 گھنٹے تاخیر کا شکارہے ۔