ٹرمپ انتظامیہ نے ایران پر مزید معاشی پابندیاں لگا دیں

 واشنگٹن (92 نیوز) امریکا اور ایران میں کشیدگی عروج پر ہے۔ ٹرمپ انتظامیہ نے ایران پر مزید معاشی پابندیاں لگا دیں۔ غیر ملکی خبررساں ادارے کے مطابق امریکا نے ایران کے پیٹروکیمیکل سیکٹر کو ٹارگٹ کیا اور ایران کی سب سے بڑی اور منافع بخش کمپنی پرشین گلف پیٹروکیمیکل انڈسٹریز پر پابندیاں عائد کر دیں۔ اس کے ساتھ ساتھ امریکا پرشین گلف پیٹروکیمیکل انڈسٹریز کمپنی کی 39 ماتحت کمپنیوں اور فیر ملکی سیلز ایجنٹس پر بھی پابندیاں لگانے کی منصوبہ بندی کر رہا ہے۔ امریکا نے پرشین گلف پیٹروکیمیکل انڈسٹریز کمپنی پر پابندیاں ایرانی پاسداران کی مدد کرنے پر لگائیں۔