ویڈیو کی فرانزک آڈٹ کے بعد سب کچھ سامنے آجائے گا ، فردوس عاشق اعوان

اسلام آباد ( 92 نیوز) وزیر اعظم عمران خان کی معاون خصوصی برائے اطلاعات ڈاکٹر فردوس عاشق اعوان نےمریم نواز کی جانب سے مبہم اور غیر واضح آواز والی ویڈیو   ریکارڈنگ پیش کرنے پر رد عمل دیتے ہوئے کہا کہ   ویڈیو کی فرانزک آڈٹ کے بعد سب کچھ سامنے آجائے گا۔ ڈاکٹر فردوس عاشق اعوان نے کہا کہ  ناصر بٹ مشہور زمانہ قاتل اور مفرور غنڈہ ہے جو کہ  20 سال سے انگلینڈ میں مفرور رہا ، اسے پاکستان لا کر مسلم لیگ ن نے اپنے مذموم مقاصد کے لئے استعمال کیا، ن لیگ اس ویڈیو کو عدالتوں میں لے جا کر اپنی بے نگاہی ثابت کیوں نہیں کرتیں ۔ معاون خصوصی برائے وزیر اعظم کا کہنا تھا کہ  حکومت کا بااختیار عدالتوں کے فیصلوں پر کوئی اختیار نہیں، مریم اس ویڈیو کو میڈیا میں بیچنا چاہتی تھیں، مریم صفدر نے ہمدردیاں سمیٹنے کی بھونڈی کوشش کی ہے۔ ڈاکٹر فردوس عاشق اعوان نے کہا کہ کسی پہ الزام لگانے سے قبل اپنا چہرہ بھی دیکھنا ضروری ہے، قوم نے جسٹس قیوم کی آڈیو بھی سنی تھی، مریم صفدر ملک کے باشعور لوگوں کو گمراہ کرنا چاہ رہی تھی۔