وی آئی پی موومنٹ کے باعث ایک اور زخمی بچے کا اسپتال پہنچنا مشکل ہوگیا
کراچی(92نیوز)وی آئی پی موومنٹ نے شہریوں کی جان عذاب بنا دی بسمہ کی موت کو بھی چند دن ہی گزرے ہیں کہ وی آئی پی موومنٹ ایک اور ننھی جان لینے کے درپے ہوگئی۔
تفصیلات کےمطابق گورنر ہاؤس کے قریب فوارہ چوک کے جہاں وی وی آئی پی موومنٹ کی وجہ سے بدترین ٹریفک جام تھا ۔
بچے کو چوٹ لگی تھی سر سے خون بہہ رہا تھا تو والد کے چہرے پر ہوائیاں اڑ رہی تھیں۔
فوارہ چوک سے محض دس منٹ کی مسافت پر واقع جناح اسپتال تک پہنچنا اس کے لیے امتحان بن گیا تھا ۔
شاید قدرت کو رحم آیا ایک ٹریفک پولیس افسر کو فرشتہ بنا کر پہنچایا جس نے ٹریفک کے ہجوم سے رکشہ نکلوایا اور بچے کو اسپتال پہنچانے کا سامان ہوا۔