وقاص گجر کی ہلاکت، پٹرولنگ پولیس نے بھی تین رکنی انکوائری کمیٹی بنادی
فیصل آباد (92 نیوز)فیصل آباد میں پٹرولنگ پولیس کی فائرنگ سے جاں بحق ہونے والے وقاص گجر کی ہلاکت پر پٹرولنگ پولیس نے بھی تین رکنی انکوائری کمیٹی تشکیل دے دی ہے ۔
ایڈیشنل آئی جی پنجاب ہائی وے پٹرولنگ پولیس کی بنائی گئی انکوائری کمیٹی کے سربراہ ایس پی پٹرولنگ پولیس گوجرانولہ رانا شجاعت علی ہوں گے۔
دو ممبران میں لاہور سے ڈی ایس پیز ذوالفقار علی خان اور ملک محمد اقبال شامل ہیں، انکوائری کمیٹی واقعہ کی صورتحال کا جائزہ لے کر سات دن میں رپورٹ پیش کر دے گی۔
