وفاقی وزیر نورالحق قادری کے حق میں الیکشن کمیشن کا فیصلہ اسلام آباد ہائی کورٹ میں چیلنج
اسلام آباد (92 نیوز) وفاقی وزیر نورالحق قادری کے حق میں الیکشن کمیشن کا فیصلہ اسلام آباد ہائی کورٹ میں چیلنج کر دیا گیا۔
درخواست گزاروں حضرت حسین اور شاہ نواز نے اپنی درخواست میں موقف اختیار کیا ہے کہ کاغذات نامزدگی جمع کراتے وقت نورالحق قادری حکومت کے ڈیفالٹر تھے۔ نور الحق قادری نے نامکمل کاغذات نامزدگی جمع کرائے۔
انہوں نے کہا الیکشن کمیشن نے ہماری درخواست مسترد کر دی۔ عدالت الیکشن کمیشن کے فیصلے کو کالعدم قرار دیتے ہوئے دوبارہ سماعت کا حکم دے تاکہ انصاف کے تقاضے پورے کیے جاسکیں۔