وفاقی حکومت کا صدر اور وزیراعظم کے کیمپ آفسز بنانے کا اختیار ختم کرنے کا فیصلہ
اسلام آباد(92 نیوز) وفاقی حکومت نے صدر اور وزیراعظم کے کیمپ آفسز بنانے کا اختیار ختم کرنے کا فیصلہ کر لیا۔ ذرائع کے مطابق وزیراعظم اور صدر سے متعلق ایکٹ 1975 میں ترمیم لائی جائے گی۔
1975 ایکٹ میں ترمیم کا مسودہ تیار کر لیا گیا جسے آج وفاقی کابینہ اجلاس میں پیش کیا جائے گا ۔ ترمیم کے بعد صدر اور وزیراعظم دفاتر اور رہائش کے علاوہ کوئی کیمپ آفس نہیں بنا پائیں گے ۔
ذرائع کے مطابق کیمپ آفسز ختم کرنے کا فیصلہ اخراجات میں کمی لانے کے لیے کیا جا رہا ہے ۔ وفاقی کا بینہ کی منظوری کے بعد بل منظوری کے لیئے پارلیمنٹ میں بھی پیش کیا جائے گا ۔