وفاقی حکومت کا آئی جی کے پی کے کی فوری تبدیلی کا فیصلہ
اسلام آباد (92 نیوز) وزیر اعظم عمران خان کے پی کے پولیس کی کارکردگی سے ناخوش ہیں ، وفاقی حکومت نے آئی جی خیبر پختونخوا کو فوری تبدیل کرنے کا فیصلہ کرلیا ۔
ذرائع کے مطابق وفاقی حکومت نے آئی جی خیبر پختونخوا ڈاکٹر نعیم کو فوری تبدیل کرنے کا فیصلہ کر لیا ہے ، صوبے کا نیا آئی جی کون ہو گا؟ اسٹیبلشمنٹ ڈویژن نے تین نام وزیر اعظم آفس کو بھجوا دیے ۔
بھیجے گئے ناموں مین سینئر پولیس افسران محمد طاہر، ثنا اللہ عباسی اور محمد سلیمان کے نام شامل ہیں ، ایک نام کی منظوری کے بعد سمری اسٹیبلشمنٹ ڈویژن کو واپس بھجوائی جائے گی ۔
وزیر اعظم کی منظوری کے بعد اسٹیبلشمنٹ ڈویژن نئے آئی جی کی تعیناتی کا نوٹیفکیشن جاری کرے گا ۔