وفاق کے بعد سندھ حکومت کا بھی سرکاری گاڑیوں کی نیلامی کا فیصلہ
کراچی ( 92 نیوز)سندھ حکومت نے سرکاری گاڑیاں نیلام کرنے کا فیصلہ کرلیا ،238 گاڑیوں کی فروخت کیلئے اشتہار جاری کرنے کی منظوری بھی دے دی ۔
سندھ میں بھی تبدیلی کے اشارے ملنے لگے ، سندھ سرکار بھی وفاقی حکومت کے نقش قدم پر چل پڑی ، اب سندھ میں بھی سرکاری گاڑیاں نیلام ہوں گی ۔
سندھ حکومت 2010 سے 2018 تک کی گاڑیاں فروخت کرنے کا فیصلہ کر چکی ہے ،سندھ حکومت نے سرکاری گاڑیاں نیلام کرنے کی منظوری دے دی ۔
نیلامی کیلئے وزیراعلیٰ اور چیف سیکریٹری نے سمری بھی منظور کرلی ، محکمہ جنرل ایڈمنسٹریشن کے مطابق 19 سرکاری محکموں کی 238 گاڑیاں نیلام کی جائیں گی ۔
نیلامی کیلئے کرولا، کلٹس اور مہران سمیت دیگر گاڑیاں پیش کی جائیں گی ، جس کیلئے محکمہ جنرل ایڈمنسٹریشن نے اخبارات میں اشتہار کی منظوری دے دی ۔