وزیرمعدنیات پنجاب عمار یاسر نے استعفیٰ دے دیا

لاہور (92 نیوز) پی ٹی آئی کی اتحادی جماعت مسلم لیگ ق سے تعلق رکھنے والے حافظ عماریاسر نے وزارت چھوڑکراپنا استعفیٰ پارٹی قائدین کو بھجوادیاہے۔ وہ شاکی ہیں کہ اُن کے کام میں بے جامداخلت کی جارہی تھی۔ حافظ عماریاسر اپنی وزارت میں مداخلت سے ناخوش تھے۔ پارٹی قائدین چودھری شجاعت اورچودھری پرویزالہٰی کے نام بھجوائے گئے استعفے میں شکوے شکایات انبار لگادیئے۔ ان کاکہنا ہے کہ ان کی وزارت اور کام میں بلاوجہ رکاوٹیں کھڑی کی جارہی تھیں۔ استعفے کے متن میں عماریاسر نے کہا ہے کہ بے جامداخلت کی وجہ سے وہ پوری طرح کام نہیں کرپارہے تھے۔ حافظ عماریاسر نے وزارت کے لئے نام تجویزکرنے پر اپنی پارٹی قیادت کاشکریہ بھی اداکیاہے۔