وزیرقانون پنجاب کا کوآرڈینیٹربنکر لوگوں کو لوٹنے والا گرفتار

ملتان(92نیوز)ملتان  میں خود کو صوبائی وزیر قانون رانا ثناء اللہ کا کوآرڈی نیٹر بتا کر لوگوں سے کروڑوں روپے کا فراڈ کرنے والا فراڈیا گرفتار کرلیا گیا، ملزم کے خلاف چھ تھانوں میں پہلے ہی مقدمات درج ہیں۔ تفصیلات کےمطابق پولیس نے مخبری پر ملزم عمر قادری کو گرفتار کرکے مقدمہ درج کرلیا ہے  پولیس کے مطابق ملزم خود کو صوبائی وزیر قانون رانا ثناء اللہ کا کوارڈی نیٹر ظاہر کرکے لوگوں سے فراڈ کرتا رہا ہے اور مبینہ طورپر کروڑوں روپے لوٹ چکا ہے۔ ملزم کے خلاف پہلے ہی مختلف چھ تھانوں میں فراڈ کے مقدمات درج ہیں ،پولیس تھانہ چہلیک نے ملزم کےخلاف مقدمہ درج کرکے قانونی کارروائی شروع کردی ہے۔