وزیراعلیٰ پنجاب نے مصنوعی مہنگائی کے ذمہ داروں کیخلاف کارروائی کا حکم دیدیا
لاہور ( 92نیوز ) وزیراعلیٰ پنجاب نے صوبے میں مصنوعی مہنگائی پیدا کرنے کے ذمہ داروں کے خلاف کارروائی کا حکم دے دیا۔
وزیراعلیٰ پنجاب سردار عثمان بزدار کا کہنا تھا کہ اشیائے ضروریہ مقررہ نرخوں پر فراہم کرنے کے لئے تمام انتظامی اختیارات استعمال کئے جائیں ، مصنوعی مہنگائی کی اجازت کسی صورت نہیں دیں گے۔
مختلف وفود سے گفتگو کرتے ہوئے وزیراعلیٰ پنجاب نے کہا کہ بدقسمتی سے ماضی میں عوامی فلاح و بہبود کے منصوبوں پر توجہ دینے کی بجائے نمائشی پراجیکٹس بنائے گئے، سابق دور کی غلط پالیسیوں کا خمیازہ عوام کو بھگتنا پڑ ا۔