وزیراعلیٰ عثمان بزدار کی پنجاب میں مزید 15 کورونا مریضوں کی تصدیق

لاہور (92 نیوز) وزیراعلیٰ عثمان بزدار کا کہنا ہے کہ پنجاب میں کورونا کے کیسز میں اضافہ ہونے لگا ہے، وزیراعلیٰ نے صوبے میں مزید 15 کورونا مریضوں کی تصدیق کردی۔ https://twitter.com/UsmanAKBuzdar/status/1241445409022672905?s=20 وزیراعلیٰ عثمان بزدار نے ٹویٹ کیا کہ پنجاب میں کورونا کے کنفرم کیسز کی تعداد 152 ہو گئی ہے۔ قرنطینہ سنٹرز پر 120، لاہور میں21، گجرات میں 3 اور ملتان میں ایک مریض رپورٹ ہو چکا۔ انہوں نے پیغام میں مزید بتایا کہ جہلم سے دو، راولپنڈی سے ایک اور گوجرانوالہ سے 4 کیس رپورٹ ہوئے، 24 گھنٹوں میں پنجاب سے 56 افراد کورونا وائرس کا شکار بنے۔