وزیراعلیٰ سندھ کا کورونا پازیٹو کے حساس علاقوں میں موبائل ٹیسٹنگ شروع کرنیکا فیصلہ

 کراچی (92 نیوز) وزیراعلیٰ سندھ مراد على شاه کی زیر صدارت کورونا کے حوالے سے اجلاس ہوا۔ اجلاس میں کورونا پازیٹو کے حساس علاقوں میں موبائل ٹیسٹنگ شروع کرنیکا فیصلہ کیا گیا۔ مخصوص علاقوں میں مشتبہ مریضوں کے کورونا ٹیسٹ بھی کیے جائیں گے۔ اجلاس میں دلچسپ اعدادوشمار پیش کیئے گئے۔ سندھ میں کورونا پازیٹو کےشکار مریضوں میں مردوں کی تعداد زیادہ ہے۔ محکمہ صحت سندھ کی تحقیق کے مطابق خواتین گھروں میں آئسولیٹ ہیں اور وائرس سے کم متاثر ہیں۔ سندھ میں کورونا پازیٹو کے مجموعی 1411 مریضوں میں 68 فیصد مرد ہیں۔ 32 فیصد خواتین کورونا پازیٹو کا شکار ہوئیں۔ مرد رضاکارانہ سماجی فاصلے ختم کرنے پر عمل نہیں کر رہے۔ مرد زیادہ باہر جاتے اور وائرس لیکر گھر آتے ہیں۔