وزیراعظم کے معاون برائے انسداد پولیو بابر بن عطا نے استعفیٰ دے دیا
اسلام آباد (92 نیوز) وزیراعظم عمران خان کے معاون برائے انسداد پولیو بابر بن عطا نے استعفیٰ دے دیا۔ انہوں نے کہا کہ ذاتی وجوہات کی بنیاد پر استعفیٰ دے رہا ہوں۔
بابر بن عطا نے کہا کہ پاکستان پولیو پروگرام کو قلیل عرصے میں بہترین نتائج کا حامل پروگرام بنایا ۔
رواں ماہ کے اختتام تک پاکستان کے پہلے ’ پرسیپشن مینیجمنٹ انیشیٹیو ‘ کا آغاز کیا جائے گیا جس کے اثرات ’ گیم چینجر ‘ ثابت ہوں گے۔ بہت جلد 24 گھنٹے کام کرنے والے کال سینٹر کا بھی افتتاح کر دیا جائے گا جہاں لوگوں کے پولیو ویکسین سے متعلق تمام تحفظات کا ازالہ کیا جائے گا۔
بابربن عطا کا کہنا تھا کہ پولیو پروگرام کی نومبر سے جون 2020 تک شروع ہونے والی مہمات کے لئے بھرپور تیاری ہے۔ اگلے سال پولیو کیسز میں بڑے پیمانے پر کمی آئے گی۔
انھوں نے کہا کہ یقین ہے ان کے بعد آنے والا فوکل پرسن پولیو سے پاک پاکستان کےمشن کو جاری رکھے گا۔ بابر بن عطا نے پولیو ورکرز کی انتھک محنت کو بھی خراج تحسین پیش کیا۔