وزیراعظم کی وزیر مذہبی امور کو کورونا پر علماء اور این سی او سی سے رابطے میں رہنے کی ہدایت
اسلام آباد (92 نیوز) وزیراعظم عمران خان سے وزیر مذہبی امور پیر نورالحق قادری نے ملاقات کی، وزیراعظم نے کورونا سے متعلق علماء اور این سی او سی سے مسلسل رابطے میں رہنے کی ہدایت کردی۔
وزیراعظم نے وزارتِ مذہبی امور کو علماء و مشائخ کو کورونا کے پھیلاؤ کے اعشاریوں کی فراہمی یقینی بنائے کی ہدایت کی۔
وزیراعظم عمران خان سے وزیر مذہبی امور پیر نورالحق قادری کی ملاقات میں مساجد کو کسی صورت بند نہ کیے جانے پر اتفاق کیا گیا۔
ملک بھر میں نمازِجمعہ کے بعد کورونا سے نجات کیلئے خصوصی دعائیں کی گئیں، علماء کرام نے لوگوں کو کورونا احتیاطی تدابیر پر عملدرآمد کی تلقین کی۔
