وزیراعظم کی نااہلی کے لئے شیخ رشید نے ریفرنس دائر کر دیا
![وزیراعظم کی نااہلی کے لئے شیخ رشید نے ریفرنس دائر کر دیا](https://urdu.92newshd.tv/wp-content/uploads/2016/07/sheikh-rasheed-.jpg)
اسلام آباد(92نیوز)عوامی مسلم لیگ کے سربراہ شیخ رشید نے وزیراعظم میاں محمد نوازشریف کی نااہلی کے لئے الیکشن کمیشن میں ریفرنس دائر کر دیا ہے ۔
تفصیلات کےمطابق الیکشن کمیشن میں دائر ریفرنس میں کہا گیا ہے کہ وزیراعظم کے منصب پر فائز میاں محمد نواز شریف نے اپنے اثاثے چھپائے اور الیکشن کمیشن سے اصل معلومات مخفی رکھیں،اس لئے وہ صادق اور امین نہیں رہے ۔ پانامہ پیپرز میں میاں نواز شریف کی فیملی کے نام سامنے آئے ہیں ، جن کے پیچھے نواز شریف کا فراڈ کے ذریعے کمایا پیسہ کارفرما ہے، درخواست میں کہا گیا ہے کہ شہباز شریف کے نام سات جبکہ میاں نواز شریف کے نام نو آف شور کمپنیاں ہیں جو انہوں نے اپنے بچوں کے ناموں پر قائم کررکھی ہیں۔