وزیراعظم کو انٹرا پارٹی الیکشن نہ کرانے پر الیکشن کمیشن نے شوکاز نوٹس جاری کر دیا

اسلام آباد (92 نیوز) وزیراعظم عمران خان کو انٹرا پارٹی الیکشن نہ کرانے پر الیکشن کمیشن نے شوکاز نوٹس جاری کر دیا۔

انٹرا پارٹی الیکشن کیوں نہیں کرائے، الیکشن کمیشن کی جانب سے عمران خان کو بطور چیئرمین پی ٹی آئی شوکاز نوٹس جاری کیا گیا، چودہ دن کے اندر جواب طلب کرلیا گیا۔

نوٹس میں سوال اُٹھایا گیا کہ انٹرا پارٹی الیکشن نہ کرانے پر کیوں نہ پارٹی کا انتخابی نشان واپس لے لیا جائے۔ پی ٹی آئی کو 13 جون تک انٹرا پارٹی الیکشن کی تفصیلات جمع کرانا تھیں۔