وزیراعظم کا سری لنکن صدر سے ٹیلیفونک رابطہ، پاکستانی عوام کے غصے وشرمندگی سے آگاہ کیا
اسلام آباد (92 نیوز) وزیراعظم عمران خان کی سری لنکا کے صدر گوٹا بایا راجا پاکسے سے ٹیلیفونک رابطہ ہوا، انہوں نے سیالکوٹ واقعے پر پاکستانی عوام کے غصے اور شرمندگی کے اظہار پر بات کی۔
سیالکوٹ میں پریانتھا دیاوادناکےگھناؤنےقتل پرسری لنکن عوام کےحوالےسےقوم میں پائےجانےوالےغم وغصےاور ندامت کےاظہارکیلئےمیں نےآج صدر گوتابایا راجاپاکساسے UAE میں بات کی، انہیں آگاہ کیاکہ سو سےزائدافرادگرفتار کئےجاچکےہیں اور یہ یقین دلایا کہ ان سے قانون کےتحت نہایت سختی سےنمٹاجایئگا۔
— Imran Khan (@ImranKhanPTI) December 4, 2021
وزیراعظم عمران خان نے ٹویٹ کیا ہے کہ انہوں نے متحدہ عرب امارات میں موجود سری لنکا کے صدر سے بات کی۔ سری لنکن صدر کو سیالکوٹ واقعہ میں 100 سے زائد لوگوں کو گرفتار کرنے کی اطلاع دی۔
وزیراعظم عمران خان نے سری لنکا کے صدر گوٹا بایا راجا پاکسے کو یقین دلایا ملزمان کے خلاف قانون کی پوری قوت کے ساتھ مقدمہ چلایا جائے گا۔