وزیراعظم کا دورہ لاہور، سیف سٹی میں خدمت مرکز کا افتتاح، وزیراعلیٰ بزدار کی ملاقات
لاہور (92 نیوز) وزیراعظم عمران خان نے دورہ لاہور پر سیف سٹی میں خدمت مرکز کا افتتاح کردیا، وزیراعظم سے وزیراعلیٰ پنجاب عثمان بزدار نے ملاقات کی، صوبے کی مجموعی صورتحال اور ترقیاتی امور پر گفتگو کی۔
وزیراعظم کی جانب سے سیف سٹی میں خدمت مرکز کے افتتاح کے موقع پر گورنر پنجاب چودھری محمد سرور اور وزیراعلیٰ پنجاب سردار عثمان بزدار بھی ہمراہ تھے۔
وزیراعلیٰ پنجاب عثمان بزدار نے وزیراعظم عمران خان سے ون آن ون ملاقات کی، وزیراعظم کو صحت انصاف کارڈ کی فراہمی پر بھی بریف کیا گیا۔
وزیراعظم عمران خان مہنگائی اورامن و امان کے حوالے سے اعلیٰ سطح کے اجلاس کی بھی صدارت کریں گے۔
