وزیراعظم عمران خان کی قومی کرکٹ ٹیم کو جیت پر مبارکباد
اسلام آباد (92 نیوز) وزیراعظم عمران خان نے قومی کرکٹ ٹیم کو بھارت کے خلاف تاریخی جیت پر مبارکباد دی۔
وزیراعظم نے ریاض میں وفاقی وزراء کے ہمراہ پاک بھارت میچ اور جیت کے لمحات دیکھے۔
وزیراعظم عمران خان نے کہا بابراعظم، رضوان اور شاہین آفریدی نے شاندار پرفارمنس دی۔ بابر اعظم نے ٹیم کی شاندار قیادت کی، قوم کو آپ سب پر فخر ہے۔
پاکستانی ٹیم خصوصاً بابر اعظم، جنہوں نے پوری جرات سے ٹیم کی قیادت کی اور رضوان اور شاہین آفریدی، جنہوں نے نہایت شاندار کارکردگی کا مظاہرہ کیا،کو دلی مبارکباد پیش کرتا ہوں۔ قوم کو آپ سب پر فخر ہے۔ pic.twitter.com/AfcrvI2JIC
— Imran Khan (@ImranKhanPTI) October 24, 2021
