وزیراعظم عمران خان آج ربیع الاول کی تقریبات کا افتتاح کریں گے
اسلام آباد (92 نیوز) وزیراعظم عمران خان آج ربیع الاول کی تقریبات کا افتتاح کریں گے۔
ایک ٹویٹ میں انہوں نے کہا کہ وہ ربیع الاول کے مقدس مہینے کی تقریبات کے باقاعدہ افتتاح کے موقع پر خاص طور پر نوجوانوں کے لیے ایک خصوصی اعلان کریں گے۔
ادھر وزیراعلیٰ پنجاب نے رحمت اللعالمین صلی اللہ علیہ وسلم اسکالرشپ میں اضافے کا اعلان کردیا۔ ذہین و نادار طلبہ کیلئے رقم پچاس کروڑ سے بڑھا کر ایک ارب کردی۔
پنجاب بھر میں عشرہ شان رحمت اللعالمین صلی اللہ علیہ وسلم کے تحت تقریبات کا اہتمام ہوگا، ملک بھر میں میلاد النبی صلی اللہ علیہ وسلم منانے کی تیاریاں بھی جاری ہیں۔
