وزیراعظم عمران خان کا بھارتی ریاست آسام میں مسلمانوں کیخلاف اقدامات پر اظہار تشویش
اسلام آباد (92 نیوز) وزیراعظم عمران خان نے بھارتی ریاست آسام میں مسلمانوں کیخلاف اقدامات پر اظہارتشویش کیا اور کہا مسلمانوں کی نسلی کشی کی رپورٹ پر دنیا کو خبردار ہونا چاہیے۔
اپنے ٹوئٹ میں وزیراعظم عمران خان کا کہنا تھا کہ مودی حکومت کی جانب سے مسلمانوں کی نسل کشی اطلاعات سامنے آرہی ہیں، بھارتی اور عالمی میڈیا کی جانب سے مسلمانوں کی نسل کشی کی رپورٹس سامنے آ رہی ہیں۔ نسل کشی کی رپورٹس پر دنیا میں خطرے کی گھنٹیاں بج جانی چاہیں۔
وزیر اعظم نے اپنے ٹویٹ میں یہ بھی واضع کیا کہ مودی حکومت کی جانب سے کشمیر کا غیر قانونی طور بھارت میں ضم کرنے کا اقدام بھی در اصل مسلمانوں کو نشانہ بنانے کی وسیع تر پالیسی کا حصہ ہے۔
وزیر اعظم عمران خان نے اپنے ٹویٹ میں بھارتی میڈیا کی ایک رپورٹ بھی شئیر کی جس کے مطابق بھارت کی شمال مشرقی ریاست آسام میں 19 لاکھ سے زائد افراد کے بھارتی شہری ہونے کے دعوؤں کو مسترد کر دیا گیا ہے۔ حتمی فہرست میں 40 لاکھ سے زائد باشندوں میں سے 19 لاکھ افراد سے بھارتی شہریت چھین لی گئی ہے۔