وزیراعظم عمران خان نے گوادر انٹرنیشنل ایئرپورٹ کا سنگ بنیاد رکھ دیا
گوادر (92 نیوز) وزیراعظم عمران خان نے گوادر انٹرنیشنل ایئرپورٹ کا سنگ بنیاد رکھ دیا۔ آرمی چیف، کمانڈر سدرن کمانڈ، وزیراعلیٰ، وزرا اور چینی سفیر بھی موجود تھے۔
گوادر ایئر پورٹ پر بڑے طیارے بھی لینڈ کر سکیں گے۔ سالانہ 30 ہزار ٹن کارگو کی گنجائش ہو گی۔
وزیراعظم عمران خان کا کہنا ہے کہ گوادر کو صاف ستھرا کریں گے، پانی کو ری سائیکل کریں گے۔ کلین اینڈ گرین پاکستان کے تحت 10 لاکھ پودے لگائیں گے۔
عمران خان نے کہا گوادر کو نیشنل گرڈ کے ساتھ منسلک کریں گے۔ لوگوں کو ہیلتھ کارڈ دیں گے، مچھیروں کیلئے پل بنائیں گے۔ کوئٹہ سے گوادر تک ٹرین بھی چلائی جائے گی۔