وزیراعظم عمران خان نے وفاقی کابینہ کا خصوصی اجلاس طلب کر لیا

اسلام آباد ( 92 نیوز ) وزیراعظم عمران خان  نے وفاقی کابینہ کا خصوصی اجلاس آج طلب کر لیا۔ ذرائع کے مطابق  اجلاس میں نئے بجٹ کی تجاویز منظوری کیلئے پیش کی جائیں گی ۔ ایف بی آر اصلاحات اور ٹیکس سلیبس تبدیلی  پر کابینہ کو اعتماد میں لئے جانے کا امکان ہے۔ ذرائع کے مطابق نئے بجٹ کی تجاویز منظوری کیلئے پیش کی جائیں گی، الیکٹرانکس مصنوعات پر 126 ارب روپے اضافی ٹیکس ، موبائل فونز پر بھی اضافی ٹیکس کی تجویز زیر غور ہے۔