وزیراعظم عمران خان نے مشترکہ مفادات کونسل کا اجلاس کل طلب کرلیا
اسلام آباد (92 نیوز) وزیراعظم عمران خان نے مشترکہ مفادات کونسل کا اجلاس کل طلب کرلیا۔ چاروں وزرائے اعلیٰ اور وفاقی وزراء شریک ہوں گے۔
ذرائع کے مطابق مردم شماری کے نتائج جاری کرنے کا نوٹیفکیشن متوقع ہے۔ سی سی آئی کے مستقل سیکرٹریٹ کے قیام کا جائزہ لیا جائے گا۔
ذرائع نے بتایا کہ نیپرا کی سالانہ رپورٹ اجلاس میں پیش کی جائے گی، اوگرا آرڈیننس میں ترمیم کا جائزہ لیا جائے گا۔ 18 ویں ترمیم کے بعد ہائیرایجوکیشن کے معاملات بھی زیر غور آئیں گے۔ کورونا کی تیسری لہر کی صورتحال پر غور کیا جائیگا۔