وزیراعظم عمران خان 27 دسمبر کو کراچی کا دورہ کریں گے
اسلام آباد (92 نیوز) وزیر اعظم عمران خان 27 دسمبر کو کراچی کا ایک روزہ دورہ کریں گے ۔ وزیراعظم کو کراچی میں امن و امان کی صورتحال پر بریفنگ دی جائے گی۔
وزیر اعظم عمران خان جمعہ کو دورہ کراچی کے دوران گورنر ہاوس میں اہم ملاقاتیں کریں گے۔ وزیراعظم کراچی میں شہری مسائل اور ترقیاتی منصوبوں کا جائزہ بھی لیں گے۔
اپنے دورے کے دوران وزیراعظم کراچی میں پارٹی رہنماؤں سے اہم ملاقات بھی کریں گے جس میں پارٹی کی تنظیم سازی سے متعلق امور پر بریفنگ دی جائے گی۔
