وزیراعظم عمران خان 21 نومبر کو ملائیشیا کا 2 روزہ دورہ کریں گے
اسلام آباد (92 نیوز) وزیراعظم عمران خان 21 نومبر کو ملائیشیا کا 2 روزہ دورہ کریں گے۔ وزیر خارجہ شاہ محمود قریشی بھی وزیراعظم کے ہمراہ ہوں گے۔
ذرائع کے مطابق وزیراعظم کو اس دورے کی دعوت ملائیشین ہم منصب نے دی ہے۔ وزیراعظم ملائیشین ہم منصب مہاتیر محمد سے اہم ملاقات کریں گے۔
وزیراعظم ملائیشیا کی کاروباری شخصیات، سرمایہ کاروں سے ملاقات کریں گے۔ ملائیشین سرمایہ کاروں کو پاکستان میں سرمایہ کاری کی دعوت دی جائے گی۔ وزیراعظم ملائیشیا میں مقیم پاکستانیوں سے بھی ملیں گے۔
