وزیر خارجہ کا ایرانی ہم منصب کو ٹیلیفون ، خطے کی صورتحال پر تبادلہ خیال
اسلام آباد ( 92 نیوز) وزیر خارجہ شاہ محمود قریشی نے ایرانی ہم منصب جواد ظریف کو ٹیلی فون کیا ، دونوں ممالک کے وزرائے خارجہ نے خطے میں امن و امان کی صورتحال پر تبادلہ خیال کیا۔
وزیر خارجہ شاہ محمود قریشی نے کہا کہ پاکستان علاقائی امن اور دیر پا استحکام کے لئے اپنا کردار ادا کرتا رہے گا ۔
سفارتی ذرائع کے مطابق شاہ محمود قریشی نے اماراتی ہم منصب شیخ عبداللہ بن زید النہیان سے بھی رابطہ کیا اور خطے کی مجموعی صورتحال پر تفصیلی بات چیت کی ۔
