وزیر اعلیٰ پنجاب کی جانب سے اقلیتی طلباء و طالبات میں سکالر شپ کے چیک تقسیم

وزیر اعلیٰ پنجاب کا کہنا تھا کہ اقلیتی برادری کے طلباء سے ملاقات میرے لئے بے حد خوشی کا باعث ہے، حکومت پنجاب اقلیتی برادری کے طلباء و طالبات کو سرکاری تعلیمی اداروں میں میٹرک سے پی ایچ ڈی لیول تک تعلیم کے لئے 100 فیصد سکالر شپ فراہم کر رہی ہے، اقلیتی طلباء و طالبات کیلئے ہائر ایجوکیشن کے تعلیمی اداروں میں 2 فیصد کوٹہ مختص کیا گیا ہے اور ملازمتوں میں 5 فیصد کوٹہ دیا جا رہا ہے ۔

سردار عثمان بزدار نے کہا کہ  اقلیتی طلباء کے لئے ایجوکیشنل سکالر شپ سکیم میں 5 کروڑ روپے رکھے گئے ہیں، اڑھائی کروڑ پیف اور اڑھائی کروڑ متعلقہ ڈیپارٹمنٹ کے ذریعے 50 فیصد سنٹرل پنجاب، 35 فیصد جنوبی پنجاب اور 15 فیصد شمالی پنجاب کے طلباء و طالبات کو دیئے جا رہے ہیں ،  میٹرک سے اعلی تعلیم تک 50 فیصد نمبر حاصل کرنیوالے اقلیتی طلباء کو 15 ہزار سے 50 ہزار تک سکالر شپ دیا جا رہا ہے۔

صوبائی وزیر انسانی حقوق و اقلیتی امور اعجاز عالم نے کہا کہ  اقلیتی طلبا و طالبات نے تعلیمی میدان میں شاندار کامیابیاں سمیٹی ہیں،اقلیتی طلبا و طالبات کو سکالرشپ کی فراہمی پنجاب حکومت کا احسن اقدام ہے۔تحریک انصاف کی حکومت اقلیتی طلبا و طالبات کو ہر طرح کی سہولتیں دے رہی ہے ۔