وزیر اعلیٰ پنجاب عثمان بزدار کی 12 اگست کو نیب میں طلبی

لاہور (92 نیوز) نیب لاہور نے وزیر اعلیٰ پنجاب عثمان بزدار کو 12 اگست کو طلب کرلیا۔ وزیر اعلیٰ عثمان بزدار کو شراب کے غیرقانونی لائسنس کے اجراء کیس میں طلب کیا گیا ہے۔ نیب ذرائع کے مطابق وزیر اعلیٰ پنجاب نے ایک نجی ہوٹل کو شراب کا لائسنس جاری کیا تھا، جو جاری کرنا ڈی جی ایکسائز کا حق ہے۔ ذرائع نے بتایا کہ انکوائری میں انہیں اپنا بیان ریکارڈ کروانے کے لئے طلب کیا گیا ہے۔ یہاں یہ بات قابل ذکر ہے کہ چیئرمین نیب جسٹس (ر) جاوید اقبال نے بورڈ کے احتساب کا عہد کیا اور مزید کہا کہ نیب کسی بھی امتیازی سلوک پر یقین نہیں رکھتا ہے۔ چیئرمین نیب نے کہا تھا کہ "میگا بدعنوانی کے معاملات ان کے منطقی انجام تک پہنچائیں گے" ، انہوں نے بدعنوانی کینسر کو ملک کی ترقی میں سب سے بڑی رکاوٹ قرار دیا ہے۔