وزیر اعلی بلوچستان نواب ثناء اللہ زہری کے اقتدار کا فیصلہ کل ہو گا

کوئٹہ ( 92 نیوز ) بلوچستان کی سیاسی تاریخ کا نیا باب کل کھلنے جا رہا ہے ۔ وزیر اعلی بلوچستان نواب ثناء اللہ زہری کے اقتدار کا فیصلہ کل ہو گا.

 بلوچستان اسمبلی میں  کے باہر اور اندر سیاسی ملاقاتوں کا سلسلہ آج بھی جاری رہا  ۔ تحریک عدم اعتماد کے  بانی رہنماء سرفراز بگٹی اور عبدالقدوس بزنجو اسمبلی پہنچے تو ہاتھ سے وکٹری کا نشان بنا کر اپنی فتح کا اظہار کیا  ۔ انہوں نے کہا کہ وزیر اعظم سے ملاقات نہیں کریں گے  ۔

باغی ارکان نے اپوزیشن جماعتوں کے ساتھ  مشترکہ نیوز کانفرنس بھی کی ۔ مولانا واسع کہتے ہیں کہ اب وقت گزر گیا  ۔ 4 سال سے صوبے کے مسائل وفاق کو آگاہ کر رہے ہیں  مگر پوچھنے والا کوئی نہیں تھا ۔

زمرک اچکزئی کہتے ہیں کہ  ہم اپنے فیصلے خود کر سکتے ہیں  ۔ عبدالقدوس بزنجو نے مسلم لیگ ن کو اپنی پارٹی میں جمہوریت  لانے کا مشورہ دیا ۔

سرفراز بگٹی نے ہنستے ہوئے کہا کہ آج ایک اور مضبوط وکٹ گرنے والی ہے ۔ سابق کہو یا موجودہ وزیر اعلی نے اپنا زیادہ وقت صوبے سے باہر گزارا ۔

انہوں نے کہا کہ کل ہونے والے اجلاس کی لائیو کوریج کی بھی اجازت نہیں دی گئی ۔ اسمبلی ارکان اور صحافیوں کو موبائل لانے کی اجازت نہیں جبکہ اسمبلی سے باہر سکیورٹی کے انتظامات ایف سی کے سپرد ہیں۔