وزیر اعظم کی چینی کی قیمت میں کمی پر اقتصادی ٹیم کو مبارکباد
اسلام آباد (92 نیوز) وزیر اعظم عمران خان چینی کی قیمت میں کمی پر مسرور، اقتصادی ٹیم کو چینی کی قیمت میں کمی آنے پر مبارکباد دی۔
ایک ماہ قبل کے 102 روپے کےمقابلے میں آج ماشاءاللہ ملک بھر میں چینی اوسطاً 81 روپے فی کلوگرام بک رہی ہے۔ ایک کثیرالجہت حکمتِ عملی کے ذریعے چینی کی قیمتوں میں کمی پر میں اپنی ٹیم کو مبارکباد پیش کرتا ہوں۔
وزیر اعظم عمران خان نے ٹویٹ کیا کہ ماشاء اللہ چینی اب 81 روپے فی کلو فروخت ہورہی ہے۔ گزشتہ ماہ چینی کی قیمت 102 روپے کلو تھی۔
انہوں نے مزید لکھا کہ بہترین حکمت عملی سے چینی کی قیمت کو نیچے لانے پر اپنی معاشی ٹیم کومبارکباد پیش کرتا ہوں۔
پچھلے ایک ماہ میں ملک میں چینی کی اوسط قیمت میں 31 روپیہ فی کلو کمی ہوئی ہے. جب بگڑا ہوا نظام بدلنے کی کوشش ہوتی ہے تو اس نظام سے مستفید ہونے والے مزاحمت کرتے ہیں، اور اگر وہ طاقتور لوگ ہوں تو مزاحمت زیادہ ہوتی ہے. لیکن اگر حکومت نیک نیت اور باہمت ہو تو آخر کار کامیاب ہوتی ہے
— Asad Umar (@Asad_Umar) December 12, 2020
ادھر دوسری جانب وفاقی وزیر اسد عمر نے ٹویٹ کیا، پچھلے ایک ماہ میں ملک میں چینی کی اوسط قیمت میں 31 روپیہ فی کلو کمی ہوئی ہے۔
انہوں نے مزید لکھا کہ جب بگڑا ہوا نظام بدلنے کی کوشش ہوتی ہے تو اس نظام سے مستفید ہونے والے مزاحمت کرتے ہیں۔
