وزیر اعظم کی تقریر پر توہین عدالت کی کارروائی کیلئے نظر ثانی درخواست خارج
اسلام آباد ( 92 نیوز) وزیر اعظم عمران خان کی تقریر پر توہین عدالت کی کارروائی کے لئے نظر ثانی کی درخواست خارج کر دی گئی ۔
درخواست گزار نے دلائل دیے کہ وزیراعظم نے 18 نومبر کواپنی تقریر سے عدلیہ کو متنازعہ بنانے کی کوشش کی ، عدلیہ کے خلاف ایسی باتیں سن کر دل دکھتا ہے ، توہین عدالت کے قانون کے تحت سزا دی جائے ۔
چیف جسٹس نے ریمارکس دیے کہ توہین عدالت صرف اس فرد اور عدالت کے درمیان ہوتی ہے ، جوکوئی کچھ کہہ رہا ہے اسے کہنے دیں، منتخب نمائندوں کوکیوں گھسیٹا جائے؟ ، لوگ بہت کچھ کہتے ہیں ، کیا اس سے عدلیہ کمزور ہوتی ہے۔
چیف جسٹس نے ریمارکس دیے کہ عمران خان کو عوام نے منتخب کیا ، ہمیں عوام کا احترام ہے، ہم کسی فردِ واحد کو نہیں، اسے منتخب کرنے والے عوام کو دیکھتے ہیں ، یہ عدالت ہمیشہ منتخب عوامی نمائندوں سے متعلق حکم جاری کرنے میں احتیاط سے کام لیتی ہے ۔
عدالت نے وزیراعظم کی عدلیہ کے خلاف متنازع تقریرپرتوہین عدالت کی کارروائی کے لیے نظرثانی درخواست خارج کردی۔