وزیر اعظم کا مصنوعی مہنگائی کرنیوالے عناصر کو بے نقاب کرنے اور سزائیں دینے کا عزم
اسلام آباد (92 نیوز) وزیر اعظم عمران خان نے مصنوعی مہنگائی کرنیوالے عناصرکو بے نقاب کرنے اور سزائیں دینے کا عزم کر لیا۔
اپنے ٹویٹ میں وزیر اعظم نے کہا حکومت کے پرائس کنٹرول پر توجہ دینے سے مہنگائی میں نمایاں کمی ہوئی۔
سبزیوں کی قیمتوں میں واضح کمی دیکھی جاسکتی ہے ۔ عوام سے وعدہ ہے مصنوعی مہنگائی کرنے والوں کو سزا دئیے بغیر چین سے نہیں بیٹھوں گا۔حکومت کی جانب سے قیمتیں قابو میں رکھنے پر مسلسل توجہ مرکوز رکھنے کے نتیجے میں اشیائے خورونوش خصوصاً سبزیوں کی قیمتوں میں واضح کمی نمایاں ہے۔ قوم کو یقین دلاتا ہوں جب تک مصنوعی طور پر مہنگائی کرنے والے تمام عناصر کی نشاندہی کرکے انہیں سزا نہ دلوا دوں، میں چین سے نہیں بیٹھوں گا۔
— Imran Khan (@ImranKhanPTI) February 24, 2020