وزیر اعظم کا زلزلہ متاثرہ علاقے کا دورہ ، زخمیوں کی عیادت کی
میر پور ( 92 نیوز ) وزیر اعظم نے میر پور آزاد کشمیر کے زلزلہ متاثرہ علاقے کا دورہ کیا ، عمران خان نے اسپتال میں زلزلے سے متاثرہ افراد کی عیادت بھی کی ۔
وزیر اعظم عمران خان ہیلی کاپٹر کے ذریعے میر پور آزاد کشمیر پہنچے اور زلزلہ متاثرہ علاقے کا دورہ کیا ۔ وزیر اعظم اسپتال پہنچے اور زلزلے سے زخمی ہونے والوں کی عیادت کی ۔
اس موقع پر وزیر اعظم کا کہنا تھ اکہ آزاد کشمیر اور میر پور کے لوگوں سے دلی ہمدردی ہے ،حکومت ماثرین کی بحالی کے لئے پیکج تشکیل دے رہی ہے ، میں یہاں کے لوگوں کا دکھ محسوس کر سکتا ہوں ، زلزلے سے ہونیوالے جانی و مالی نقصان پر افسوس ہے ۔
وزیر اعظم کی زیر صدارت میر پور آزاد کشمیر میں اجلاس بھی ہوا ، اجلاس میں وزیر اعظم کو حالیہ زلزلے سے ہونے والے جانی و مالی نقصانات پر بریفنگ دی گئی اور ریلیف سے متعلق جاری اقدامات و بحالی کے لئے لائحہ عمل سے بھی آگاہ کیا گیا۔