وزیر اعظم نے اسموگ کے خاتمے کیلئے پنجاب حکومت کی سفارشات کی منظوری دیدی
اسلام آباد ( 92 نیوز) وزیر اعظم عمران خان نے اسموگ کے خاتمے کے لئے پنجاب حکومت کی سفارشات کی منظوری دے دی ، وزیر اعلیٰ پنجاب کی جانب سے وزیر اعظم کو سفارشات بھجوائی گئی تھیں ۔
سفارشات میں کہا گیا کہ لاہورمیں پبلک ٹرانسپورٹ کیلئے 250 بسوں کو ہائبرڈ یا الیکٹرک پر منتقل کیا جائے ، آئندہ پبلک ٹرانسپورٹ کے لئے نئی خریدی جانے والی بسیں ، ہائبرڈ ، سی این جی یا لیکٹرک کے ذریعے چلیں ، پٹرل و ڈیزل پر پبلک ٹرانسپورٹ چلانے پر پابندی عائد ہو گی ۔
سفارشات میں لاہور میں 60 ہزار کینال اراضی پر جنگلات لگانے کی تجویز بھی شامل ہے جب کہ اسٹیل رولنگ انڈسٹریز ، اینٹیں کے بھٹوں کو اگلے سال دسمبر تک زگ زیگ ٹیکنالوجی پرمنتقل کرنے کی حتمی ڈیڈلائن دی جائے ۔