وزیر اعظم عمران خان کا لاہور کا دورہ ، ایوان وزیراعلیٰ میں عثمان بزدار سے ملاقات
لاہور (92 نیوز) وزیراعظم عمران خان کی ایک روزہ دورے پر لاہور آمد ہوئی۔ وزیراعلیٰ پنجاب سردار عثمان بزدار نے وزیراعظم سے ملاقات کی اور پنجاب کابینہ کی کارکردگی کے حوالے سے آگاہ کیا۔
انہوں نے پنجاب حکومت کی دو سالہ کارکردگی کو عوام کے سامنے پیش کرنے پر بھی آگاہ کیا۔ وزیراعظم کو پنجاب کے سیاسی انتظامی امور پر بھی آگاہ کیا گیا۔ ریور راوی منصوبے پر جاری پیش رفت پر بھی وزیراعظم کو آگاہی دی گئی۔
وزیراعظم کی صدارت میں اجلاس بھی ہوا جس میں وزیراعلیٰ پنجاب نے ریور راوری منصوبے پر بریفنگ دی۔ عمران خان ایک روزہ دورے کے دوران اہم ملاقاتیں اور مختلف اجلاسوں کی صدارت کریں گے۔
