وزیر اعظم جسینڈا آرڈن نے ماضی میں نسلی امتیاز کا نشانہ بنانے پر بحرالکاہل کی کمیونٹی سے معافی مانگ لی
ویلنگٹن (92 نیوز) نیوزی لینڈ کی وزیر اعظم جسینڈا آرڈن نے ماضی میں نسلی امتیاز کا نشانہ بنانے پر بحرالکاہل کی کمیونٹی سے معافی مانگ لی۔
وزیر اعظم جسینڈا آرڈن نے کہا ماضی میں ڈان ریڈ کے نام سے پولیس کے چھاپے ، گرفتاریوں پر افسوس ہے ۔ نئی نسل کو میرا پیغام ہے کہ آپ کے آباؤ اجداد کے ساتھ غلط ہوا ۔ میں تمام متاثرہ خاندانوں سے معافی مانگتی ہوں ۔
تقریب کے دوران ارکان پارلیمنٹ نے نیوزی لینڈ کی وزیر اعظم پر چٹائی ڈال دی جسے بحرالکاہل کی کمیونٹی کے ارکان نے ہٹایا ۔
1970 میں نیوزی لینڈ کی حکومت نے بحرالکاہل کی کمیونٹی کو نسلی امتیاز پر ملک بدر کر دیا تھا اور بعض افراد پر مقدمات بنا کر جیلوں میں ڈالا تھا ۔
