وزیر اعظم آج ہزارہ موٹر وے فیز ٹو کا افتتاح کریں گے
اسلام آباد ( 92 نیوز) وزیر اعظم عمران خان آج ہزارہ موٹر وے فیز ٹو کا افتتاح کریں گے ، ہزارہ موٹر وے ای 35 حویلیاں شقاہ مقصود انٹر چینج سے مانسہرہ تک 62 کلو میٹر طویل کے دوسرے حصے کا افتتاح کیا جائے گا۔
افتتاحی تقریب حویلیاں یونیورسٹی کیمپس میں ہوگی ، ہزارہ موٹروے منصوبے کی افتتاحی تقریب میں گورنر خیبرپختونخواہ شاہ فرمان، وفاقی وزراء، ارکان قومی وصوبائی اسمبلی شرکت کریں گے۔
ہزارہ موٹروے منصوبہ 3 حصوں پر مشتمل 180 کلومیٹر پر مشتمل ہے جس کے 2 حصے مکمل ہو چکے ہیں جب کہ تیسرے حصے کو آئندہ برس مارچ تک مکمل کیا جائے گا۔
منصوبے پر 34 ارب روپے کی لاگت سے مانسہرہ تک تیار ہونے والے ہزارہ موٹروے پر کل 47 پل اور 6 سرنگیں تعمیر کی گئی ہیں۔
