وزرا موجودہ صورتحال پر متضاد بیانات دے رہے ہیں، شہباز شریف
لاہور (92 نیوز) اپوزیشن لیڈر شہباز شریف کا کہنا ہے وزرا موجودہ صورتحال پر متضاد بیانات دے رہے ہیں۔
وفاقی وزراء ملک کی موجودہ نازک صورتحال میں متضاد بیانات دے رہے ہیں۔ ان میں سے ایک نے کہا کہ وزیراعظم 2020 میں ٹی ایل پی کے ساتھ معاہدے سے آگاہ نہیں تھے۔ افراتفری کا عالم اور ملک کو قیادت کے بحران کا سامنا ہے جبکہ حکومتی مشینری اندھیرے میں ٹامک ٹوئیاں مار رہی ہے۔ https://t.co/F52fVeEm1n
شہباز شریف نے ٹویٹ پیغام میں لکھا کہ ایک وفاقی وزیر نے کہا وزیر اعظم کالعدم ٹی ایل پی کے ساتھ گزشتہ سال کے معاہدے سے لاعلم تھے، سراسر افراتفری اور قیادت کا فقدان ہے۔
حکومت کی حالت کا اندازہ لگائیں جس کا وزیراعظم کہتا ہے کہ اس نے روپے کی قدر میں کمی کی خبر ٹی وی سے سنی۔ موجودہ حکمران احساس زمہ داری سے عاری ہیں۔ ملک آٹو پائلٹ پر ہے، ایک کے بعد دوسرا بحران شدید تر ہوتا جا رہا ہے جو ملک کی انتہائی بدقسمتی ہے۔ https://t.co/NqwJT8tnj9
— President PMLN (@president_pmln) October 28, 2021
اُنہوں نے مزید لکھا کہ حکومتی مشینری بالکل بے خبر ہے، یہ ہے عمران خان کا پاکستان پر حکومت کرنے کا طریقہ؟۔ کہا کہ موجودہ حکمران کسی بھی احساس ذمہ داری سے عاری ہے۔ ملک آٹو پائلٹ پر ہے، کیونکہ ایک کے بعد دوسرا بحران گہرا ہوتا جا رہا ہے۔
