وزارت داخلہ سندھ نے مطلوب ترین دہشت گردوں کی فہرست جاری کر دی
کراچی (92نیوز) وزارت داخلہ سندھ نے مطلوب ترین دہشت گردوں کی فہرست تیار کرلی۔ فہرست میں 6 دہشت گردوں کے نام شامل کئے گئے ہیں۔ مطلوب ترین دہشت گرد یاسین چھوٹو کے سر کی قیمت ڈیڑھ کروڑ روپے مقرر کی گئی ہے۔
تفصیلات کے مطابق وزارت داخلہ سندھ نے مطلوب ترین دہشت گردوں کی فہرست تیار کرلی۔ دہشت گردوں کی جاری فہرست 92 نیوز نے حاصل کر لی جس میں 6 دہشت گردوں کے نام شامل کئے گئے ہیں۔ مطلوب ترین دہشت گرد یاسین چھوٹو کے سر کی قیمت ڈیڑھ کروڑ روپے مقرر کی گئی ہے۔
فہرست کے مطابق یاسین چھوٹو کے بعد سب سے بڑی رقم دہشت گرد نوید کمال کے سر کی 75 لاکھ روپے مقرر کی گئی ہے جبکہ دہشت گرد راشد اور ہدایت اللہ کے سر کی قیمت 10، 10 لاکھ روپے اور دہشت گرد محمد امین کے زندہ یا مردہ پکڑے جانے پر 20 لاکھ روپے کا انعام مقرر کیا گیا ہے۔
مطلوب دہشت گرد تخریب کاری اور دہشت گردی کی مختلف وارداتوں میں ملوث ہیں۔ وزارت داخلہ سندھ کا کہنا ہے کہ دہشت گردوں کی گرفتاری میں مدد کرنے والے شخص کا نام صیغہ راز میں رکھا جائیگا۔