ورلڈ بیچ گیمز، پاکستانی پہلوان انعام بٹ کا طلائی تمغہ
دوحا (92 نیوز) پاکستانی پہلوان انعام بٹ فتوحات کے جھنڈے گاڑنے میں مصروف، قطر میں جاری ورلڈ بیچ گیمز میں طلائی تمغہ جیت لیا۔
انعام بٹ نے 90 کلوگرام کیٹیگری میں گولڈ میڈل کیلئے ہونیوالے فائنل مقابلے میں جارجیا کے پہلوان مارشا گسول داتو کو پانچ دو سے شکست دی۔ انعام بٹ ٹورنامنٹ میں ناقابل شکست رہے۔
انہوں نے نوے کلوگرام کی کیٹیگری میں پرتگال کے آندرے ڈی سلوا، ترکی کے اوزکان مورت اورآذربائیجان کے پہلوانوں کو شکست دی تھی۔
انعام بٹ نے کامن ویلتھ گیمز میں گولڈ میڈل سمیت کئی اعزازات اپنے نام کررکھے ہیں۔