وائٹ ہاؤس نے صحافی جم اکوسٹا کا عارضی پاس بحال کر دیا
واشنگٹن (92 نیوز) وائٹ ہاؤس نے صحافی جم اکوسٹا کا عارضی پاس مکمل طور پر بحال کر دیا۔
وائٹ ہاؤس کی ترجمان سار اسینڈرز کا کہنا تھا کہ جم اکوسٹا پر صحافتی ذمہ داریاں ادا کرنے کے حوالے سے کوئی پابندی برقرار نہیں رہی اور انکا پریس کارڈ بحال کردیا گیا ہے۔
امریکی صدر ٹرمپ نے پریس کانفرنس کے دوران سوال پر ناراض ہوکر سی این این کے سینئر رپورٹر جم اکوسٹا کے وائٹ ہاؤس داخلے پر پابندی لگا دی تھی۔ واشنگٹن کی مقامی عدالت نےجم اکوسٹا پر عائد پابندی ختم کرنے کا حکم دیا تھا۔
ادھر سی این این نے ٹرمپ انتظامیہ کیخلاف دائر مقدمہ ختم کرنے کا اعلان کردیا ہے۔
